Барааны тайлбар:

Хятадын зохиолч Сү Тунгийн бичсэн “Нэгэн гэрийн житгэрүүд” зохиол нь 1920 -оод оны үеийн хятадын нийгмийн хар бараан дүр төрх, хуучинсаг амьдралын хэв маягийг тод томруунаар дүрслэн өгүүлжээ. Орчин цагийн боловсролтой оюутан Сун Лянь өөрийн хүслээр хөрөнгтөний үлдэгдэл Чэнь овогтын гэр бүлд дөрөвдүгээр эхнэр болон очиж улмаар татвар эхнэрүүдийн ил далд зөрчил дунд бие сэтгэлийн гүн хямралд орж эцэст нь хэнд ч хэрэггүй нэгэн болж хоцорч буйгаар үйл явдал дуусдаг эмгэнэлт зохиол юм.

Зохиолын баатар Сун Лянь “боломж”-ын айлын охин бөгөөд эцэг нь цайны үйлдвэр эрхлэн олсон орлогоо охиныхоо сургалтын төлбөрт зарцуулдаг байв. Гэвч эцгийнх нь үйлдвэр дампуурч тэрээр амиа хорлсоноор Сун Ляньд хойд эхийнх нь тулгасанаар ажил хийх эсвэл хүнтэй гэрлэх хоёр сонголт үлдэнэ. Зовлон зүдгүүр бэрхшээл зовлон амсаж яваагүй охин амар хялбар, элбэг хангалуун амьдралын замыг сонгож мөнгө хөрөнгөтэй хүний татвар эхнэр болохоор сэтгэл шулууджээ. 19 настай байсан Сун Лянь дөрөвдүгээр татвар болж Чэнь овогтын босгийг давсан тэр өдрөөс эхлэн житгэрүүдийн атаа хорсол, хэрүүл тэмцэл хичнээн хорон харгис байдгыг мэдэрч, тулж түших ах дүү, найз нөхөдгүй ганцаардан, нэг бол хэрүүл тэмцэлд нь татагдан орох эсвээс үхэх гэсэн хатуу сорилттой тулгарна. Их ахайтан Үй Рүгийн гадуурхал, хоёрдугаар ахайтан Жоу Юнийн арга заль, гуравдугаар ахайтан Мэй Шанийн ил тод тэмцэл, зарц Янь Арийн хараал жатгатай нүүр тулна. Энэ бүхэн зөвхөн гэрийн эзний дур хайрыг хүртэхийн төлөөнөө өрнөнө.

Уг зохиолоор хятадын нэрт найруулагч Жан И Моу “Том улаан дэнлүүг өндөрт асаа” кино хийж гол дүрд нь Холливүүдын жүжигчин Гун Ли тоглож кино шүүмчлэгчдээс өндөр үнэлэлт авсан төдийгүй 64 дэхь удаагын Оскарын “Шилдэг гадаад хэл дээрх кино” шагналыг авчээ.

#867